مــــــــــــــــــــامعذور

ما معذور ابد ما معذور انت
لان قلبي عندك وحدك امنته
لان بشوفتك اطير من الفرحة
ولعيونك اهدي الف وردة

وحدك للحب قلبي فتحته
وبس انت جلست بمملكته
لانك غالي وعزيز كثير
ولاني عشقت صوتك وهمسه
ونظراتك التقتل قتل
لولاها ماكان قلبي صدته

هسة تغير كلشي بيك
حتى عطرك ماهو نفسه
هسة ماكو احبكِ بالعيون تنقال
كنك نسيت شلون لحنته
وشلون غنيتها كثير وكثير
وعلمتني اصول الضحكة و البسمة
هسة متغير كلشي بيك
والسبب لحد هسة ماعرفته

مامعذور لاتحكي وتقول
مامعذور لانك قلبي جرحته
ابد ماانسى حبك فد يوم
ولا انو جتني منو طعنة
لاتحسب الدنيا الك وحدك
ويجيك فد يوم وكلامي تذكره

لانك اول حب بحياتي
لانك كنت لقلبي امله
صعب ارجع احبك مثل قبل
والاصعب صدقني اني انسى
كلما تذكرتك اضحك وابكي
وكلما اشوفك قلبي يجر الف حسرة
عسى الفرقو بيناتنا لايتهنون
و عساهم ما يشوفون بعمرهم فرحة
لا تستغرب ولاتتعجب
لا تحسب هذا الكلام مني قسوة
بس انا شفت ايام وليالي
لو شافها غيري كان مات من قهره
تعذبت ومحد درى بحالي
وما حكيت الشخص مهما كان قربه
خليت كلشي بقلبي وقررت
مستحيل احب بعدك ولا مرة
مو لاني متعلقة بيك
انا نسيت حبك ومن قلبي هدمته
بس لاني اخاف لا يكون مثلك
انسان يحب بس مو بيده امره
انسان يحب ويموت في حبيبه
ومقدر كثير اهميته وقيمته
بس ناقصة شي واهم شي
انو يكون رجال عند كلمته

كلمات جميله وذات معنا تحياتي لكي [ندعوك للتسجيل في المنتدى أو التعريف بنفسك لمعاينة هذه الصورة]

مشكور سومى على مرورك لصفحتى [ندعوك للتسجيل في المنتدى أو التعريف بنفسك لمعاينة هذه الصورة]