تحشيش هسه وهسه

اويلي علينا شلون حر يشك شك

فد مره أمريكي وفرنسي وعراقي كاعدين بجهنم فرادوا يخابرون اهلهم ,فراح الامريكي اول شي على ابليس ابو البداله مال جهنم كله: اريد اخابر اهلي بنيويورك, ابليس طلبله الرقم وانطاه الموبايل و كله :لا تحجي هوايه تره ما ظل عندي اليوم بس هل الكارت, المهم الامريكي حجه نص ساعه خله ابليس ينفجر,وراها كله لابليس: شكد تأمر (كلك بلكي يكول امريكي ويراعيني)كله ابليس: ميه وخمسين دولار واريد الميه خمسينات ثنين والباقي اريده يكات لان احتاجها ,الامريكي كله: يا معود شدعوه هي نص ساعه ومنين اجيب يكات , ابليس كله: ادفع بله حجي زايد تره اخليهم يحطوك ويه دراكولا بنفس الغرفه, عاد الامريكي كله: لا يا معود هاي شبيك دا اشاقه وياك هاي فلوسك عمي وفوكاهه بوسه. اجه دور الفرنسي هذا اصلا انجر بوشه من شاف تعامل ابليس ويه الامريكي كال: خلي اصير مودب وما احجي هوايه. عاد كله لابليس: عفيه بس اخابر اهلي بباريس, ابليس انطاه التلفون الفرنسي من خوفته ما يعرف يدك الرقم جان ابليس يعيط بيه كله: زمال دك تلاث صفاره اول احنا بجهنم ,ودوس الدكمه الخضره شويه قوي لان التلفون تعب هلكد ما الناس تخابر ,المهم الفرنسي خصمهه وسلم على اهله بسرعه دفع ورقه ام الميه وفلت. جان يجي دور العراقي ولا مبين عليه انو ضايج لان بجهنم ,عنده كلش عادي, اجه على ابليس كله: لك ابليس دكلي على اهلي ببغداد ولا توكف يمي اريد اسولف وجيبلي جاي ابليس كله: مو تدلل ,العراقي سولف سولف ساعتين ونص لمن كمل انطه بليس دولارين, طبعا الامريكي والفرنسي دا يباوعون من بعيد تخبلوا راحوا على ابليس ركض كلوله: شنو السالفه والله اليوم الا نشتكي عليك ,جان يعيط بيهم كلهم شكو ولكم اليوم ابو ابوكم اصمطه ,كللوله :ليش بس دولارين للعراقيين جان يكلهم بابا هاي مكالمه محليه العراق نفس وضعنامن جهنم لجهنم ..

</TD></TR></TABLE>

تحياتي للجميع نقلت هذا الموضوع لان هذا يدل على واقع اهلنا بل عراق وما يعانونه من قله الخدمات والكهرباء....................

هههههههههههههههههههههههههه
حلوة كولش تحياتي الك حبي وسام الغالي

» تحشيش عربي
» تحشيش
» تحشيش
» نكت عراقيه تحشيش
» تحشيش حكومي اصلي